ಇರುವ ಕಣದಗಲದ
ಉದರ ಪೊರೆಯಲೋಸುಗ
ನಡೆದ ದಾರಿ ನೆನಪಿದೆಯೋ
ಅರಿವಿಲ್ಲ; ನಡೆದದ್ದೇ ದಾರಿ
ಸೇರಿ ಸಾಗಿದರು ದೂರ ದಾರಿ
ಇರುವ ಕಡೆಗೆ ಪಯಣ;
ಗೊತ್ತುಗುರಿವಿಲ್ಲದಿದ್ದರೂ ಸುತ್ತಿ
ಹೊತ್ತೊತ್ತಿಗೆ ಮೇದು ತಿನ್ನುವರು
ಇದ್ದುದನ ಹಂಚಿ; ನಾವಾತತ್ವವ
ಅರಿಯದೆ ಅನ್ಯತ ಭಾವ ತುಂಬಿಕಚ್ಚಾಡಿ ಹೊನ್ನು, ಮಣ್ಣು, ಹೆಣ್ಣಿಗಾಗಿ !ಬೆಂಬಿಡದೆ ಒಡನಾಡಿಗಳ
ಬೆಂಬಲಿಸಿ ಜೊತೆನಡೆದು
ಶಿಸ್ತಿನ ಜೀವನ ಶೈಲಿಯ
ಅರಿತು ಅಳವಡಿಸಬಾರದೇಕೆ
ಅನ್ನುವ ಗೂಡ ಪ್ರಶ್ನೆ !
ಒಗ್ಗಟ್ಟಿನಲ್ಲಿ ಬಲವಿದೆ;
ಜೊತೆಯಲಿ ನಲುವಿದೆ;
ಅರಿಯಲೊಬ್ಬರನೊಬ್ಬರು
ಕೂಡಿ ಬಾಳಲು ಸುಖವಿದೆ;
No comments:
Post a Comment