ಗಜಮುಖದವನೇ ಹೇರಂಬಾ..
ನಿನ್ನಿಂದೆಲ್ಲವೂ ಪ್ರಾರಂಭ ..| ಪ |
ಮೊದಲಿಗೆ ವಂದಿಪೆ ಹೇ ಗಣಪ
ಪ್ರೇಮದಿ ಕಾಯೋ ನೀ ಬೆನಕ | ಅ.ಪ. |
ರಾವಣ ದರ್ಪವ ಮುರಿದವನೇ
ಚಾಮರ ಕರ್ಣನೆ ಹರಸುತನೆ
ಮೋದದಿ ಭಜಿಪೆನು ಹೇ ಗಣಪ
ಪಾಪವ ನೀಗಿಸು ನೀ ಬೆನಕ | ೧ |
ಮುನಿಗಳ ಮನದಲಿ ನೆನೆವವನೆ
ಭಕುತರ ಹೃದಯದಿ ನಲಿವವನೆ
ಕುಣಿಯುತ ಸ್ತುತಿಪೇನು ಹೇ ಗಣಪ
ಸನ್ಮತಿ ಕರುಣಿಸೋ ನೀ ಬೆನಕ | ೨ |
ಭಕುತಿಲಿ ಪೂಜಿಪೆ ನಾ ನಿನ್ನಾ
ದುರಿತವ ನೀಗಿಸೋ ನೀ ಎನ್ನಾ
ಸಕಲರ ಪೊರೆಯೋ ಹೇ ಗಣಪ
ಅಭಯವ ನೀಡೋ ನೀ ಬೆನಕ | ೩ |
No comments:
Post a Comment