ನನ್ನವಳ ಹುಡುಕಾಟ

ಎಲ್ಲಿರುವಳೋ ನನ್ನವಳು

ಹುಡುಕಿ ಸೊರಗಿಹವು ನನ್ನ ಕಣ್ಣಗಳು;

ಗರಿಗೆದರಿ ಹಾರಿ, ಬಾನೆತ್ತರಕೇರಿ

ಮುಚ್ಚಿಕೊಳ್ಳದೆ ಮಿಟುಕುತ್ತಿವೆ ಕಣ್ಣ ರೆಪ್ಪೆಗಳು

ಹಲವಾರು ಮನಕದವ ತಟ್ಟಿದರೂ

ಕೆಲವಾರು ತೆರೆಯಲೇ ಇಲ್ಲ;

ಕೆಲವೊಮ್ಮೆ ತೆರೆದುಕೊಂಡರೂ

ಮನಭಾವನೆಗೆ ಸ್ಪಂದಿಸಲಿಲ್ಲ !

ಬಾಗಿಲಲೇ ನಿಂದಿರಿಸಿ ಕಳುಸಿದವು

ಒಳಗೆ ಬರಮಾಡಿಕೊಳ್ಳಲಿಲ್ಲ ಕೆಲವು;

ಹುಮ್ಮಸ್ಸಿನೋಳು ಒಳನಡೆದರೂ

ಕುಳ್ಳಿರಿಸಿ ಉಪಚರಿಸಲಿಲ್ಲ ಹಲವು !

ಪ್ರೀತಿಯ ಹುಡುಕಾಟ ವ್ಯಾಪಾರವಾಗಿ

ಮನ ಹರಡಿದೆ ವಿಶ್ವ ವ್ಯಾಪಕವಾಗಿ

ಹುಡುಕಿ ಕೊಡಬಲ್ಲಿರೋ ಎನಗೊಂದು

ಮುದ್ದನೆಯ ಮನವಿರುವ ಪ್ರೀತಿಬಂಧು ?!