ರಕ್ಷಾ ಬಂಧನ

ಬಂಧನ.. ಜೀವ ಬಂಧನ, ಭಾವ ಬಂಧನ..

ಪ್ರೀತಿ ಪ್ರೇಮದಿ ಬೆರೆವ ಅನುರಾಗ ಬಂಧನ,

ನೋವು ನಲಿವೆಗೆ ಸ್ಪಂದಿಸೋ ಸ್ನೇಹ ಬಂಧನ 

ಅದೆಷ್ಟೋ ಭಾವಗಳ ಮೀರಿ ಮೆರೆದು ನಿಂದವು

ಅಣ್ಣ-ತಂಗಿಯರ ಅಕ್ಕರೆಯ ಸೋದರ ಬಂಧನ.!

ಬೆಸೆದ ಮನ ಒಮ್ಮೊಮ್ಮೆ ಬಸವಳಿಯಬಹುದು..

ಹೆಸೆದ ಬದುಕೂ ಕೆಲವೊಮ್ಮೆ ಮುಸುಕಾಗಬಹುದು,

ಕುಸಲತೆ ಕೇಳುವ ಗೆಣೆಯ ಪಕ್ಕ ಸರಿಯಬಹುದು..

ವಿಷವಿರದ ನೆತ್ತರ ಸಂಬಂಧವದು ಬೆಸೆದಿರಲು 

ಮಿಸುಕದೆ ಹೆಣೆದಿರಲು, ವಿಂಗಡಿಸಲಾಗದು !!

ಬಾಹು ಬಂಧನ.. ಅವರವರ ಭಾವ ಸಂವೇದನ 

ಸ್ನೇಹವೋ, ಪ್ರೀತಿಯೋ.. ವಿಚಾರವಲ್ಲಿ ಗೌನ..!

ರಕ್ಷಾ ಬಂಧನ.. ಸ್ವಚ್ಛ ಮನ ಪರಿಶೋಧನ ..

ಸೋದರತೆಯ ಅಮೂಲ್ಯ ಭಾವ ಅನಾವರಣ

ರಕ್ಷಣೆಯ ರಕ್ಷಾ ಕಂಕಣ ಭಾತೃ ಧಾರಣ.!